बैतडीको सुर्नया–६ मा तीजको अवसरमा देउडा कार्यक्रम हुने
बैतडी–बैतडीको सुर्नया गाउँपालिका–६ मा हिन्दू महिलाहरुको महान पर्व हरितालिका तीजको अवसरमा देउडा कार्यक्रम हुने भएको छ ।
सुर्नया गाउँपालिका र सुर्नया गाउँपालिका–६ को सहयोग तथा सिगास उद्यमशील महिला समूह र महिला स्वास्थ्य स्वयंसेविकाहरुको आयोजनामा देउडा कार्यक्रम सञ्चालन हुने वडा सदस्य निर्मला अवस्थीले बताइन् ।
सिगास मावि मुसेमा आइतबार र शंकरपुर स्वास्थ्यचौकीमा भदौ १० गते देउडा कार्यक्रम हुने भएकाले सहभागिताका लागि सबैलाई आग्रह गरिएको सदस्य अवस्थीले बताइन् ।
हरितालिका तीजको अवसरमा दिदीबहिनीहरुबीच भेटघाट तथा स्थानीय संस्कृतिको संरक्षणका लागि देउडा कार्यक्रमको आयोजना गरिएको उनले बताइन् ।
प्रकाशित मिति: शनिबार, भदौ ७, २०८२ ११:५४
प्रतिक्रिया दिनुहोस्
साताको लोकप्रिय
