डोटीमा एक महिलाको शव भेटियो
डोटी –डोटीमा एक महिलाको शव फेला परेको छ । जिल्लाको केआईसिंह गाउँपालिका–६ लामाडाँडास्थित जंगलमा महिलाको शव फेला परेको हो ।
जंगलको खोला दोभानमा ती महिलाको शव सडेगलेको अवस्थामा फेला परेको र परिचय खुल्न बाँकी रहेको जिल्ला प्रहरी कार्यालय डोटीका प्रहरी नायब उपरीक्षक भीमलाल भट्टराईले बताए ।
कपडा, कपाल, चुँडी लगायतका सामग्रीले उक्त शव महिलाको भएको पुष्टि भएको हो । शवलाई पोष्टमार्टमाका लागि जिल्ला अस्पताल डोटीमा राखिएको छ । घटनाका बिषयमा थप अनुसन्धान भइरहेको डोटी प्रहरीले जनाएको छ ।
प्रकाशित मिति: मंगलबार, पुस २३, २०८१ १६:३६
प्रतिक्रिया दिनुहोस्
साताको लोकप्रिय
